買左婚戒啦！

成日行街經過金鋪都會睇下D結婚戒指，不過我覺得D戒指好似好普通，好似會同周圍D人一樣，所以一路都好想搵對特別D既！

不過男朋友鍾意CARTIER其中一個系列，所以我地都去睇下，睇下做結婚戒指好唔好！

不過睇完之後，我地都覺得唔係好適合造結婚戒指！

本來諗住行埋過TIFFANY睇，不過我地諗諗下又覺得TIFFANY都係D簡單款，所以都係唔去！

其實我一路上網都有留意有乜野鋪頭整結婚戒指，其實我睇過兩間，一間係SHELLI & COMPANY，另一間係ADIAMOND。上網睇過兩間既WEBSITE，SHELLI & COMPANY無乜款式，有既又唔係好岩心水，ADIAMOND個WEBSITE多D款式，又有D岩心水，於是一心都係諗住同男朋友去果到睇！

ADIAMOND係百利地下，鋪頭好細，坐到3至4人，我地去果時有人係入面買緊野，仲講緊價，於是我地就等，點知等左成半個鐘，老闆見我地等左好耐，就話叫我地坐埋一面，俾D款我地睇住先！

其實我去之前睇過人地係呢到整既戒指，我鍾意佢既刻法，所以先去！

上面果種90度既刻法我覺得好特別！

不過去到我地睇左呢D款之外，我地仲揀左D款！

其實仲有一款我地幾鍾意架，最尾仲係係呢隻同另一隻到揀。不過佢個網無，我又唔記得影低！不過同以下呢隻有少少似，但個面係由好多個平面組成架！

最後，我地揀左一隻我地睇都無睇過既款，就係好似皇冠咁既，佢仲要有兩款，一款上面有三粒石，一款得一粒，我同男友都覺得上面有三粒石似皇冠D，所以揀左有三粒石果一款！

老闆娘同我地講，上面果三粒石可以揀用紅寶石、藍寶石、鑽石，甚至水晶都得，跟住佢就指住粒紫水晶。我同男朋友一聽到都話用紫水晶，因為我地都鍾意紫色，勁開心呀！

跟住個底果到我地就用紅寶石，因為有D顏色好似靚D！跟住仲可以揀個面用磨紗定光面，佢有兩款俾我地試戴，試左我地 都覺得光面好睇D！而個面佢有1粒石、5粒石同一排石可以揀。我地試過，1粒又好似差D，5 粒又好似多得濟，一排平時戴係好靚，但又好似好誇張，我又想我地兩個隻戒指一樣。老闆見我地好似諗唔到點，跟住就話有個客做左隻得3粒石既，話可以戴上手 試下，一戴我地就覺得3粒係最岩岩好！

最後就係刻字，估都估唔到我地揀左一款我地之前無諗過既方法，唔係刻，而係雕字，好似上面咁！老闆娘仲提我地因為皇冠頂果到有三粒石，上面雕D字會細D，所以上面刻日子會好D，咁我地就決定上面刻羅馬數目字既結婚日期，下面就刻我地兩個個名！雕字果到仲可以揀滑面同珠 仔面，由於珠仔面好似襯我地隻戒指多D，所以我地揀左珠仔面！老闆娘仲提我地隻戒指入面仲可以刻字，叫我地返去試戴果時話佢知想刻乜！

隻戒指本來好似$3700/1隻(唔記得左睇幾多錢，因為D盒亂哂)，但我地見頭先有人同老闆講價，就姑且試下！老 闆娘佢一開頭話計到我地最平要$6800一對，但我地只係問左一句可唔可以再平D，佢就話$6600！之後我地問$6500得唔得，之後老闆娘就問老闆。老闆話原本最平都真係$6800架啦，但老闆娘開左口話$6600先，佢計多兩計話是但啦，想早D收工去食飯，所以就$6500俾我地！

做左咁多樣野，我最滿意就係買左呢一對戒指，因為我覺得佢係獨一無二，而且係咁多手工下都可以講到咁便，仲要用一世喎，覺得好抵呀！

希臘女神

其實，我一路都無諗過要係香港影婚照，因為我一心只係去台灣影，同埋我覺得台灣影得靚D！不過，我見煌府送左張COUPON，咁無理由唔用左佢架嘛(果然係師奶仔)，所以諗住用左張COUPON係香港影一輯。

去到希臘女神，入面有好多人係到揀相同BOOKING，多到無人得閒招呼我地，不過等左一陣即刻有人FREE出黎招呼 我地，叫我地坐低睇下相先！招呼我地果個人叫AMY，好有禮貌，又唔HARD SELL，見我地用COUPON都無話一定要我地UPGRADE，不過就同我地講我地個PACKAGE無SOFTCOPY同相簿。開頭我無留意到無 SOFTCOPY，本來諗住唔加錢架，但聽到無SOFTCOPY又好似影左等於無影，佢加錢要返SOFTCOPY又要$178一張，所以同男朋友傾下傾 下，就決定加錢UPGRADE影室內+花園。

個PACKAGE包︰

1. 婚紗1套+晚裝1套+黑色男禮服1套

2. 新娘化妝連飾物

3. 20"X24"油畫連架1張

4. 8"X10"相1張

5. 5"X7"相2張

6. 8"X12"相簿1本(20張)

7. 20張SOFTCOPY

另外，由於男朋友係無眉人，所我我加多左$100幫佢化妝，結果TOTAL加左$2792。我原本BOOK左1/2，因為佢話張COUPON一定要係訂左酒席3個月內用，點知，原來UPGRADE左就唔駛！所以我改左26/4先影，22/4去試衫！

終於收到法國巴黎既EMAIL

今日終於都收到EMAIL啦，我個服務小姐係淑菁，佢仲問返我係咪同小麗姐CONFIRM左！仲問我係唔係14/7機，又提定我帶D乜過去！不過我自己都 未諗到時去台灣既行程，所以都未有再覆佢！不過佢話1:30去試衫會好D，因為果時會少人D！

殺上法國巴黎

SEND左EMAIL去法國巴黎都未有回覆，決定今日殺上去！

今日入到去我就話我BOOK左個幾月都未收到EMAIL，於是個店長即刻幫我打電話過台灣，佢話因為我太早個期未出，所以先未有人覆我！佢話今次一定會係一個星期耐覆我！

BOOK左場地啦

同完屋企人講之後，由於男朋友屋企唔鍾意係酒店擺，話唔鍾意食"殘廢餐"，所以最尾我地唔駛揀啦，決定去THE ONE煌府BOOK場！

去BOOK場之前打左俾加興，因為佢係VIP，識得錢小姐，話可以俾D好D既OFFER我！

原本想BOOK 2012年10月7日，但果日得返A場，我地又想BOOK A+C，結果就BOOK左2012年10月14日，不過男朋友仲開心，因為佢鍾意呢個日子多D，不過媽咪話我2012年10月14日係我農曆生日唔好，但 既然係擇日子出黎，所以我地都無理BOOK左！

不過，錢小姐話2012年實在太多人結婚，有D野無得做優惠俾我！結果我地想要既優惠有D都無做到！

我地既OFFER係︰

1. MIN.CHARGE $27,8000，想講低D都唔得！

2. 用返2011菜單既價錢再+10%

3. $600任飲啤酒+汽水+橙汁

4. 送回門乳豬

5. 8磅結婚蛋糕

6. 席前小食送春卷等小食

7. 送禮堂字

其實除左可以用返2011菜單，好似乜野優惠都拎唔到，因為我見其他姊妹BOOK果時，有D OFFER仲好過我！我同男朋友又係果D唔識講價既人，所以唔識得再bargain多d。

所以姊妹們，你地book果時記住帶d識講價既人去book呀！