第二輯PREWEDDING BY FRANKIE & ALAN

今日同肥豬公影第二輯PREWEDDING，因為ADA教我上個唔知乜野網搵，所以又可以影到FREE PREWEDDING！

朝早10:00約左化妝師CARRIE LEUNG係迪士尼站等，因為一路都係佢聯絡我既，點知攝影師咁早都係到，仲要有兩個攝影師加1個助手(我估係FRANKIE女朋友)。係鐵路站既洗手間 換好衫後，我地跟住就一路步行去迪欣湖，係途中搵左個涼亭化妝！CARRIE化妝都好快手，學左一兩年黎講算好好，佢仲要有個助手幫手SET頭，勁呀！

(走果時係MTR到影，勁多人望住我，以為我做乜囉！) 

一路化妝兩個攝影師已經係到勁影，我諗佢地想KEEP返D相板俾CARRIE，同埋佢兩個又好似自己WARM UP緊，等我地快D READY！

大約11:30-12:00我地就入到迪欣湖，係7仔買左少少野食，我地就開始影啦！我地圍住個湖行左一次，影左人 人都排隊影既藍屋仔、湖景、草地、小型瀑布、偷偷地上左人地架家庭式單式、同巡邏車影。由於唔算係好多野影，多數都係自然景，係得一間藍色屋仔叫左可以影 下，所以攝影師提議去埋欣澳影條壩！係搭地鐵去果陣仲係迪士尼站到影左一陣，果到都好靚！不過去到欣澳原來真係得條壩果個位影，所以其實只係影左 20mins，不過都幾型！

總結全日拍攝過程同化妝，CARRIE個妝相比上次YOKO個妝無咁濃，自然D，個頭我都幾滿意，只係無轉頭轉左頭 飾差少少。兩個攝影師都好識搞氣氛，成日叫我地做呢樣果樣，不過未係好識得叫我地擺POST。不過CARRIE成日都會有好多提議俾我地，叫我地做呢樣， 做果樣，試下點樣好D！此外，兩個攝影師都真係好訓身呀，又訓地，又爬高，雖然未拎相，但我睇過佢影出黎果D，我覺得好靚呀，希望快D可以拎到相啦！