結婚統籌工作坊

今日去左戴律司送既結婚統籌工作坊，可惜遲到，之前有D野聽唔到！

佢個人比我想像中矮(因為上次遠距離望無留意)，我諗佢170左右，但佢個人都幾風趣，把聲都幾好聽。

佢有張好簡單既NOTES寫低有乜注意，上面真係乜都有，新娘同新郎要準備D咩啦、利是要幾多、過大禮有乜、安床上頭同出門注意事項等，仲提埋你果一日有乜野要帶定作不時之需。

佢特別提一定要試頭紗，因為試過有親娘個頭紗勁短，去到塊面到。另外又提咩頭襯咩頭紗，頭紗既長度要去到咩位置，好在佢講一講，因為我自己都無留意到！

佢仲提埋證婚果時要問定攝影師可唔可以ZOOM然後駁電視，如果唔係後排既人就只會聽到聲，睇唔到成個過程。

另外仲提埋夜晚婚宴時MC要準意既事項，佢話一定要10句野內就播成長片段，唔好咁長氣，悶親賓客。

今晚都算係值得一去既，唔係有D野真係唔知，有佢個CHECK LIST，好好多！