揀帖

今日出開旺角，所以同奶奶試完衫之後就去左訂帖。

帖係煌府送既，果間公司叫喜嫁，佢既款式唔算好多，得紅色、粉紅同金色，無紫色，唯有揀粉紅色啦！

我地最後揀剩2款，第一款比較得意，第二款就同我地回禮利是封一樣。本來想揀第二款，諗住襯返一套咁。不過阿姨話第一款得意啲，所以最尾揀左第一款！

佢可以印埋帖面，不過要加錢，所以都係等自已印名果時印埋。