GARNIER卡尼爾OLIA染髮霜

法國品牌GARNIER既護膚品相信大家都用過唔少，因為佢既產品不嬲都平靚正，

我相信佢既染髮霜都一定有返咁上下水準。

其實我唔多染頭髮，一來因為工作關係，二來我D頭髮本身好傷，三來我好怕果種刺鼻既氣味。但見呢隻染髮霜話唔會有呢種味同埋我啲頭髮兩截色得好勁，所以即管試一試。

GARNIER卡尼爾OLIA染髮霜用左突破性既上色技術
 

呢種技術不含阿摩尼亞，配合水油相斥的天然特性，令色素滲透髮絲，遮蓋白髮。OLIA染髮霜含有天然花油，上色同時改善髮質，做到不粗糙，不毛躁無光，令35%髮質更柔順，17%秀髮更閃耀。講到咁好果然好吸引呀！

 

我試用既係5.25冰栗棕，盒既後面好細心咁寫埋原髮色同染髮後既效果，等消費者可以揀岩自己想要既顏色。

染髮前記住做皮膚敏感測試！

盒入面包括左︰上色瓶、1號顯色敷用劑、2號護髮染髮霜、3號絲滑光澤護髮精華、手套、說明書

使用方法︰
1. 將上色瓶放入包裝紙包的背面凹槽

2. 將1號顯色敷用劑及2號護髮染髮霜全部倒入上色瓶

3. 將上色瓶內的二劑均勻混和。

 

4.戴上膠手套並將上色瓶的瓶蓋尖端折斷，然後上色

5.上色
上色方法1︰
如果未染過頭髮或者好耐無染，就由根部開始上色，然後均勻塗抹埋髮尾，等染髮劑停留35分鐘先去洗頭

上色方法2︰
如果係補染就先從髮根同未染既頭髮上面上色，並等染髮劑停留25分鐘，然後再將剩餘的染髮劑均勻塗抹髮尾。最後徹底搓揉全部頭髮以便均勻上色，再等10分鐘先洗頭

我由於成年無染頭髮，所以我用左上色方法1。

由於我太多頭髮同頭髮好長，所以我用左兩盒染髮霜。

6. 以清水徹底沖洗頭髮，直到沖洗的水呈現透明無色，再使用3號絲滑光澤護髮精華

OLIA染髮霜最正係無難聞既阿摩尼亞味，只有淡淡既花香味。
連老公訓覺果時都問我點解個頭無平時染完頭髮果啲味，仲要咁香！

OLIA染髮霜亦唔會好似某啲染髮劑咁令頭皮不適，唔傷頭髮之餘仲好顯色。(只係我染過同唔染既髮色相差太遠，所以唔係好特顯到效果！)

不過最驚喜既係D頭髮居然染完之後仲滑過之前，無咁毛躁，仲好有光澤。而且個效果並唔係只KEEP到一日，我染完過左成個星期都仲KEEP到好順滑！

OLIA染髮霜共有8色 ($79) ，各大萬寧、屈臣氏、莎莎及指定藥房有售。依家萬寧仲做緊特價，唔駛$70 

Yumei 三重豐型潤彩唇膏 Triple Action Lip Reshaping

其實我好少化妝，而搽唇膏更係少之又少，但之從學左化妝後，我就好留意唔同既化妝品，而今次試用既係Yumei 三重豐型潤彩唇膏。

 

 

唇膏中間白色的，就係添加左堅果油既修護軟芯。我個咀本來有少少脫皮，但搽左唇膏後，可以見到即刻無咁乾，唇紋淺左，所以唔駛搽潤唇膏都可以。

唇膏既質地好滑，而且好上色 (我無諗過咁上色，我唔係想要咁紅架 > < )。輕輕印幾下已經見到即時有光澤，唇紋填平左少少。

上完唇膏，搽既唇彩亦都好滋潤，又有亮澤。上埋唇彩，即刻少左好多唇紋，個咀既立體感出哂黎。

呢支唇膏最好既地方就係夠方便，一支有兩樣野 (唇膏 3.6g，唇彩 2.7g)，帶出街用就最好。

鍾意既朋友可以去卓悅買售價$168，依家特價$128。