Ching Tse: 2011

2011年12月28日星期三

第一次睇樓

其實我同肥豬公一路都係諗住住返係娘家附近，因為有飯開呀嘛，而且我既父母都年紀大，我想成日可以見到佢地。我地心水其實係愉景花園，但係實在太貴啦，所以我地轉移左去睇平價既私人樓同埋居屋-- 金獅二期、景田苑、雲叠花園同埋富嘉花園。

今日放假係屋企，居然無啦啦同左大佬去睇樓，仲要係想睇既金獅二期同埋景田苑！

金獅二期570尺，238萬。
屋主將廚房變左開方式，兩間房合併做一間，其實個間格都幾好用，不過個窗台真係好大，同埋無浴缸。

金獅二期417尺，172萬。呢到最正係唔駛裝修，有傢俬，但間房實在太細啦！

金獅二期417尺，180萬。呢間屋話俾你知，個窗台係要黎訓架！

金獅2期480尺，192萬。間左兩間房個感覺好細呀！

另外，我地仲睇左景田苑，不過屋主唔俾影相。
其實我覺得景田苑個間格好用D，佢有2間房，客飯廳。實用面積有8成幾，所以望落去大過金獅520尺好多。對於我黎講，我覺得好夠大，而且佢係居屋，賣$238萬都OK。

睇完一次樓，大約知道有D咩要注意。不過睇樓真係一門高深既學問。

樓價呀樓價，你快D跌啦！

第六輯PREWEDDING BY 法國巴黎 (第二至第四次修相)

法國巴黎修相同其他公司有D唔同，佢係SEND去EMAIL然後叫我地睇相！不過呢個亦都係唔好處，因為佢只係SEND左去肥豬公個EMAIL，無SEND俾我，結果佢應完人地第二次修相之後就無理過，直到我月頭問佢，佢先話我知，俾佢激死啦！

不過要贊既係佢效率好高，修相都修得幾好，每1個星期都唔駛就修好一次，所以短短幾星期我已經修好哂相啦！

佢快到一修好相就叫我揀美編同埋封面樣式，勁快！

希望快D搞好埋呢間修相啦！

2011年12月27日星期二

第七輯PREWEDDING BY Lawrence Lau Wedding Service

今日同肥豬公影第七輯PREWEDDING。其實LAWERENCE我上網係ESDLIFE到搵既，由2月約到依家，但由於大家一路都約唔岩時間，所以約到依家12月先有機會影。

本來我地一開始定係中環影既，但由於我地唔想搭咁耐車，所以我地就改左去城門水塘影。因為肥豬公個朋友岩岩去完行山，佢係FACEBOOK到見到人地行山影D相幾靚，所以就改去果到影。

我地約左LAWERENCE同化妝師IRIS 1:00PM係葵興地鐵站等。由於麻煩既肥豬公未食野，要等埋佢買野食，所以我地1:10PM先搭的士去LAWERENCE係麗晶中心既STUDIO化妝換衫。上到去先發現原來佢個STUDIO係24/12先開，所以佢D野好新，有張好大既化妝台同埋有房可以換衫！

首先換左LAWERENCE幫我借返黎既婚紗，

跟住IRIS就幫我化妝。IRIS個人好整齊，化妝都幾快幾仔細，而且佢化個妝唔算好濃，岩哂我！佢SET頭都以簡單為主，襯返件緍紗！

(但呢張已經俾我抹走緊D EYE SHADOW)

大約3:00，我同肥豬公都化好妝，我地就搭的士出發去城門水塘 (當然我化妝果時佢地溝通好哂啦)。上到去由於我著住婚紗既關係，一落車就勁多人望住我！我地第一站就影左個壩，果到超大風呀，啲風吹到我勁流眼水同鼻水。之後我地就影下湖呀、花呀、草呀，最重要既係我地影左肥豬公最鍾意既剪影，仲要佢影得好靚呀！由於我地太夜開始影，肥豬公仲話要行入D影。但行到一半，發覺天開始好黑6:15多D就回程，但結果我地都係要摸黑行成個鐘出返黎。結果肥豬公拖到個行李箱勁多泥、腳又痛，我就起哂水泡，不過好在有 LAWERENCE開路，如果唔係跌死我地！

總結全日拍攝過程同化妝，IRIS個妝夠自然，個頭簡單得黎幾好睇，只係無頭飾差少少。 LAWERENCE係一個超好人既攝影師，的士錢出哂，返到STUDIO又請我地食野同飲野，仲要完左幫我拎件衫去還。不過我地係最後一對FREE既新人，因為佢話開左STUDIO要維返個成本，我地真係好彩。影相果時佢會由得我地自己發揮，見我地唔知點就提下我地！另外，每影完佢都會俾返張相我地睇，睇下O唔OK，影到我地滿意為止。雖然只係影左大約180張相，但我覺得佢好有HEART，見D相都好靚，佢話兩個月後就可以拎相，好期待呀！

Lawrence Lau Wedding Service︰https://www.facebook.com/lawrencelauhk

2011年12月22日星期四

Lady Qooza x 曼秀雷敦DEEP COLD鎮痛貼

感謝Lady Qooza，等我可以試用曼秀雷敦DEEP COLD冰感鎮痛貼(5片裝)，仲加送水份潤唇膏- 佛手柑味同埋透白無瑕BB霜SPF35 PA++美肌元素10合1俾我。

其實我呢D運動人，個個星期都打波，成日都會整親。屋企平時都有DEEP HEAT同DEEP COOL係到，但係我呢D懶人真係好少搽，唔係痛到頂唔順，我根本就唔會用。以前都有用過其他牌子既鎮痛貼，但貼左幾日都無用。而且我好怕訓覺貼住，會成張床都係果陣藥味，同埋"LA"住訓得唔好，所以好少用。

不過，好怕用鎮痛貼既我，覺得今次試用真係黎得好合時呀。因為收到試用品既第二日，我就"炒芥蘭"，撞到右腳大脾勁痛。今次真係唔貼鎮痛貼都唔得呀，因為痛到訓唔到。

以下係曼秀雷敦冰感鎮痛貼Deep Cold Patch既介紹︰
- 可分為5 片或20片裝。
- 含止痛藥用成分Glycol Salicylate，有效消除肌肉疲勞、肩膊僵硬、背痛、拉傷、扭傷、腰傷所引致的痠痛、疼痛；
- 柔軟富彈性、容易撕貼；
- 氣味芬芳、不黏不膩，用後皮膚清潔乾爽；
- 不刺激皮膚、不易過敏。

參考網頁︰http://www.mentholatum.com.hk/detail.jsp?catid=11|19|110|111&id=199

打開包裝，佢有一個"密實袋"載位5張鎮痛貼，上面有拉鏈位，用完次後拉返埋，可以確保佢唔會咁快變質。

此外，佢仲附有3張固定輔助貼方便我地貼係關節呢D容易脫落既部位。

打開"密實袋"之後，可以聞到好太陣薄荷味。佢都幾大塊有10X14CM，可以完全覆蓋我撞到既大脾位。

撕開透明膠，再貼上大脾，可以FEEL到有少少冰涼既感覺，但又唔係好凍，所以即使係冬天用都可以。

我覺得佢最好既就係唔會一大陣藥味，所以訓覺用都唔會整到成張床都係果陣味。此外，佢呢隻鎮痛貼既黏力岩岩好，唔會好似其他牌子咁，一係就唔黐，一係就黐到要搣果時勁痛。最重要都係功效，我覺得佢真係止到痛，我撞到果到，第二日即係無咁痛，所以今次真係誠意推介呀！

2011年12月6日星期二

鴻福堂賀年糕品

哈哈，估唔到我未食聖誕大餐就已經食賀年糕品，因為我參加左the ztyle.com X 鴻福堂自家賀年糕品網上分享比賽。

鴻福堂共推出五款賀年糕品，有3款係甜，有2款係咸，分別有︰
1. 瑤柱蘿蔔糕 (價值HK$130/750克)
2. 鴻運年糕 (價值HK$100/750克)
3. 燕窩楊枝甘露糕 (價值HK$130/700克)
4. 桂花蔗汁馬蹄糕 (價值HK$110/750克)
5. 紫香芋頭糕 (價值HK$110/750克)

我揀左一甜一咸既糕點，仲要係最貴既！(發揮師奶本色

)

分別係瑤柱蘿蔔糕同埋燕窩楊枝甘露糕。

佢D糕品全部都係香港製造，無添加防腐劑同味精，而且仲要真空包裝，所以係相可以見到每一包上面都印有食用日期，咁就唔怕會食左過期野啦！

燕窩楊枝甘露糕

首先介紹既係燕窩楊枝甘露糕。由於係凍食既關係，所以好方便，一切開就食得，岩哂我呢D鍾意食凍甜品既懶人。

剪開包裝袋已經有好香既芒果味，糕既中間有一大堆透明既燕窩，真係睇到都流口水呀！

係糕既側面睇已經睇到佢好多料，一切開就見到入面有超多芒果、金柚同水晶珠。如果細心留意，鴻福堂好有心思係上面加左一層啫喱，軟綿綿既口感再加上入面爽口既金柚同水晶珠，真係口感豐富。此外，佢甜度適中，合乎健康原則，真係超級正！

瑤柱蘿蔔糕

跟住介紹既係瑤柱蘿蔔糕。一開包裝袋就見到佢好多料，佢加入左瑤柱、金華火腿、臘腸同蝦米。切開佢可以見到佢所有料都切得好幼細，而且仲可以見到蘿蔔絲，份量仲好多添！

平時過年，媽咪都會係屋企自己整蘿蔔糕，因為佢話出面D料唔夠多，又多粉，咬落去無口感。佢話望到呢個蘿蔔糕咁多料，如果好食又唔粉，應該今年就咁買唔好咁麻煩自己整。

由於我地鍾意食香口野，所以我地煎黎食。煎完可以見到蘿蔔糕外面變得金黃色，卜卜脆，入面軟綿綿。食落去有好清甜既蘿蔔味，配合埋味道香濃既瑤柱、金華火腿、臘腸同蝦米，味道簡直好似阿媽整果D一樣。我諗媽咪食完都應該唔會諗住自己再整架啦！

相信大家睇完之後，都會覺得鴻福堂今次推出既糕品好正，又有品質保證，所以有興趣的朋友可到以下網址睇下。
http://www.hungfooktong.com/news/225/index.html

依家可以6折優惠價購買鴻福堂賀年糕品禮券，如果係9/1前購買，而且夠$200，仲可以低至55折添！優惠期至到31/1咋，快D去買啦！

2011年11月30日星期三

第五輯PREWEDDING BY VIVI(第四次修相)

今日放左工又去睇多次修相，上次無執到俾我既相都睇埋，都仲係有3張相要修，肥豬公塊面真係好麻煩呀！

不過佢同我講可以SEND EMAIL俾我，早知就叫佢SEND EMAIL俾我睇，唔駛我成日出黎啦！

今次仲改埋其中一張油畫既相，因為睇左咁多次相之後，覺得第一次揀果張結婚相好怪，最以最後改左要係瀑布影既相。

希望快D搞掂佢！呢間執相用左好多時間啦！

我的嫁衣 (第一次揀衫)

今日約左去7:00去四季水晶試衫，但由於之前去左VIVI睇相，成7:30先過到去，點知去到ZOE又講緊電話，結果差唔多八點先上去試衫！

今次試衫仲有埋我個伴娘ZOIE陪我添！上到去已經有好多人，不過佢地試緊媽咪衫，所以我地只係得好少地方試，好在試左幾件佢地就走，得返我地試。

我地先試婚紗。

第一套︰