放棄了

近排睇完九型人格，再自己睇返自己1號仔既特點，終於都明點解自己咁多要求！因為我係一個完美主義者，好想一切都搞到最好，特別係一生人一次既婚禮！

我其實真係好想好想有機會可以係教堂行婚禮，好想可以有神既祝福，好想可以一齊唱住詩歌，等我既婚姻係神既見證下開始！不過肥豬公點都唔肯信，佢話就算同我一齊返教會都會訓覺，受左浸又唔會再返，又唔想奉獻，咁就算可以行到教堂又有乜意思呢！

睇完范范同黑人既婚禮片段，我就更加想係教堂行禮，不過我知道無可能架啦！可能神覺得我未合適啦，所以我無機會可以咁做！

我真係好羡慕范范同黑人，係神既見證下結合，晚上又有咁多朋友明星為佢地祝賀！特別阿妹唱住佢地既主題曲黑白配，同埋王力宏唱住FOREVER LOVE既時候，個心真係甜到爆！

我諗我都真係要放棄係教堂行禮既念頭.................

討厭

今天沒有一件事順心！

諗住頭兩堂排舞，居然要代堂，諗左一堂都諗唔到1個8拍！

討厭的游泳課，唔知自己做乜野，教極都唔識，上水又遲，返學校又遲，搞到佢地遲返課室！

幫N叫工友送碟去比賽，居然無人係到！

食飯居然急住去，拎少少野都唔記得！

準備左幾個月既通識，居然悶到佢地訓哂！

卷又出唔好！PANEL話我自己出，有D野要改，又唔講俾我知有乜問題，叫我改我又無卷改，可以點？

提左自己放學拎野走，居然無拎！

教波做少少動作又做唔好！

講句野都唔識！

點解我咁無用！

到依家都仲未排過聽日上堂既舞，睇都未睇要教既通識，公民教育課既資料又未睇，究竟我一日係到做過D乜！

改拍照時間

肥豬公無啦啦話學校唔放人，14/7走唔到，去唔到台灣影相！都叫佢一早問左學校安排左暑期工作俾佢先架啦，真係俾佢激死呀！

尋日即刻SEND EMAIL俾淑菁，因為我地本來係先影法巴再影VIVI，只要改遲一日就唔駛兩間都改時間，因為我怕會揀唔到想要既攝影師同化妝師。但改遲一日，淑菁話 16/7賴桑同夢宮老師都無期，咁我唯有諗住影左VIVI先，先再影法巴，就問下22/7同23/7佢地得唔得，好在佢地23/7得咋，雖然唔想星期六 影，因為怕好多人，但依家無計啦，希望一切順利！

第二輯PREWEDDING BY FRANKIE & ALAN (收相)

收到相啦，不過有d失望，又話會俾哂相我，但得72張，而且佢幫我執左相，但我又唔鍾意呢d feel，好灰心呀，好想要返原相，但佢話可能delete哂！

我覺得佢將d相執得太舊啦，d色又差好遠，無乜色彩咁，一d都唔warm！

求婚篇

30/4-2/5係我地SOUK一年一度既CAMP！由於約左同事去睇TIFFANY 個BB既關係，所以我5:00幾先入去長沙！本來諗住等埋肥豬公先入去架，點知佢個低B仔唔記得帶鎖匙落街食飯，阿爸阿媽又去左旅行，細路又去左荃灣返 工，結果佢就勁型咁由柴灣去荃灣拎鎖匙，然後再返屋企！

咁我唯有自入去啦，好在今次無搭錯車落錯站咋！入到去都6:00幾，我就同STEP、POMAN佢地洗野預備打邊 爐，食飽飽左之後就到我地最期待既玩GAME時間！第一個GAME係泥膠GAME，每組又試諗埋D整唔到既物件俾人估，好好笑！之後，我地就各組要排1分鐘NOBODY，排果時真係好開心，好低能，所以勁搞笑！第三個GAME，居然係肥豬公負責！其實一開始我都覺得好奇怪架啦，佢咁有準備帶齊野黎玩，分組 果時又唔係同我一組，仲要黎到成日都同LAU YAN密針！原來佢一早準備左求婚既野！

我既求婚之旅開始啦！

個GAME係每組要派兩個人出黎玩，一個人朦眼，另一個人負責跟住朦眼者提示佢搵籌碼係二樓一早收埋好代表不同分數 既籌碼，限時5分鐘！我地果組玩先，LAU YAN好快就叫我負責搵，佢負責做提示，咁我梗係覺得無所謂啦！一上到去，我真係覺得玩緊遊戲架，因為LAUYAN搵來搵去都搵唔到籌碼！但我個心又係到 諗喎，咁搞笑既，不停咁聽到有人提佢，如果真係玩GAME無理由提佢架！

話咁快5分鐘就過左啦！但居然叫我朦眼行返落樓梯，我心諗做乜野呢，而且又黑左好多喎，即使朦眼都FEEL到！落到 黎，LAUYAN就叫我坐低，一坐就坐左係個盒上面，由於我見過隻戒指，所以我一坐低就即刻知道做乜野，即係放低個眼罩！(LAUYAN好明顯唔記得叫我 搵埋個盒先坐低，所以我睇唔到SOUK BABIES好靚咁幫我圍左個心型)

肥豬公居然換左衫拎住束紙花跪左係我前面，但佢好搞笑咁無換下身衫，所以我見到佢呢個LOOK勁笑，不過見到佢咁，好開心，因為佢居然係咁多人面前同我求 婚，佢咁怕羞都肯咁做！佢同我講左一番好似背出黎，但又好情深既說話，雖然好感動，我身邊既朋友都喊，但佢個LOOK實在太好笑啦，我喊唔出！由於乜都 BOOK好哂，咁我梗係SAY YES啦，佢就幫我帶戒指，錫左我一下！

肥豬公突然問我鍾意真花定假花，我答佢假！當然其實我兩樣都好鍾意，因為假可以KEEP住，真就有FEEL D，但我又唔想佢花錢買！但我答完佢，佢居然係我後面拎左真花出黎，超開心呀！

 佢仲整左張寫住WITH SO MUCH LOVE WITHIN OUR HEARTS既紙俾我！

感謝肥豬公諗左一年既求婚之旅，但早一年會更開心(哈哈)！感謝STEP同LAU YAN既協助！感謝SOUK BABIES砌出黎既心形，仲要整到成手蠟燭！感謝特登入黎同我一齊經歷呢一次求婚之旅既每一個，REALLY THX！