今晚約左去希臘女神揀相，約左6:00，但佢話未有房要我地等。
等左15分鐘，都係未有房，於是佢就開左部係大廳既電腦俾我睇！不過佢又幾好喎，佢係俾筆同紙我地揀相，又可以自己拉大張相，而且唔會睇住我地揀。因為上
次阿KEY話佢揀相果時(法國婚紗)，D SALES唔俾佢拉大D相黎睇，又唔肯俾筆同紙佢揀相。
由於有阿KEY上次既教路，加上我地自己都有PLAN過點揀相，所以我地係最後只係加左1張相。本來諗住佢唔肯FREE果張相就唔加，但因為佢話要做相簿封面，唔加本相簿會變左單數，所以最後都加左！
以下係我既揀相過程︰
1. 由頭睇一次D相，等自己有個印象
2. 將張紙分開不同既格數要黎MARK唔同場景/LOOK (佢仲整左D EFFECT相)
3. 揀相，MARK低邊D係想要既係張紙既不同格數，而且注明係單人定雙人
4. 計下第一ROUND CUT相後TOTAL有幾多張相 (第1ROUND，CUT剩40幾張)
5. 兩個人傾下想加幾多張相 (由於係室內景，本身唔係用COUPON又想要返本相簿先加錢，所以唔想再加相，想要返20張就算！)
6. 每個場景/LOOK開哂雙人相黎睇，刪除一D比較無咁靚同埋差唔多動作既相
7. 開單人相，揀最好既2-3張 (因為得20張，講好左兩個人加埋最多要5張)
經過1個鐘之後，我地最後揀剩21張，一揀好相同相簿款式(得三款揀︰啡色花面、白色格仔面同啡色皮帶面)，佢就有房俾我地入去坐！
屈錢時間就由依家開始！加一張相要$280，由於加得果一張，無得拗價！跟住佢話我地個PACKAGE包既油畫架係幼款，幼到得大約2CM闊，仲要
無款揀，得黑色、白色果D。即係又要加錢，有兩款價錢$500(大約粗5CM)同$800(大約粗10CM)，睇下你要幾粗！原本想同佢講話
PACKAGE話明包油畫架，因為我記得睇
朱氏。雪兒 個BLOG果時，佢提過佢揀相果時都有嘈過！點知肥豬公好興奮咁行左去睇油畫架，激死我，咁我唯有諗住睇哂先一次過講返！
跟住佢就講COATING價錢，我之前睇完
朱氏。雪兒 個BLOG後，有諗過唔加錢做架，因為唔想花錢係香港影相，但又怕將來會後悔，本相簿會變黃，於是都係加錢做埋，但佢個價真係貴得驚人！
總共有4種COATING，但佢話我地個PACKAGE有折︰
1. 淋面 $2400 (8折後$1920)
2. 啞面 $3600 (8折後$2880)
3. 光面 $4400 (大約) (做PROMOTE $2200)
4. 珍珠面 $6600 (大約) (做PROMOTE 好似$3300)
跟住我地傾完之後，揀左淋面，因為佢望落同啞面差唔多，但又平過啞面好多！然後佢仲問我PACKAGE送果三張相做唔做埋COATING，最多計我平D$300，要埋相架就仲平$488。我心諗張相黃左我哂過10次都唔駛$300，相架我買都買到5-6個啦，梗係唔要啦。
計計埋埋，埋單要成$2700，跟住我當然問佢拎張單黎睇啦，睇下有無得拗下個價錢
(因為上次揀衫佢拎走左我張單)。不過，一如我所料，有好多灰色地帶，好多野都無寫明！咁我唯有話我有朋友仔上次揀相果時，加錢做埋油畫架同
COATING唔駛咁多錢！佢即刻問我邊個呀，叫乜名呀，佢幾時影呀，加左幾多錢呀，仲話佢一定加左好多野，想大返我！好在我記得個
朱氏。雪兒有係個BLOG到留過言，咁我咪拎俾佢睇囉！佢一見到個價錢，跟住就話2月果陣個價同依家唔同左，我地岩岩加左價，而且俾呢個優惠價錢果個同事俾人炒左，因為佢亂開價。我心諗頂你呀，咁你都諗到，拖左一輪，佢死都唔肯減，肥豬公又一粒聲都唔出，得我自己一個係到講，激死我啦！
最後，佢話價錢就無得減，如果我COATING做珍珠面就送油畫架同埋3張相既CAOTING俾我，我心諗我做淋面$1920+油畫架$500+3張相COATING$300=$2720，但做珍珠面就已經$3300，佢係咪當我傻架，我梗係唔制。由於我唔係好識講價，於是我就唔出聲望住肥豬公，點知佢又一粒聲都唔出，我都唔知點好，唯有問多佢一次，叫佢平D。佢諗左一陣，佢話做到盡俾我，叫我唔好要果1張8R同2
張5R，最多幫我本相簿做水晶面，話做水晶面都要加$500。唉，講左45MINS，佢都唔肯減，我心諗唯有算啦，揀左做水晶面。不過寫單果時佢無劃到果
3張相，而且佢之前仲幫我寫左做COATING！即係講左45MINS後，只係可以將本相簿封面變左水晶面同埋3張相多左COATING。
好無用呀！傾酒席又唔識講價，揀相又唔識，結果樣樣都貴過人好多！如果有帶埋大佬黎講價就好啦，佢係一個講價高手！
係無諗過係香港影之下，係希臘女神居然用左$5600幾，又超支！
做左水晶面之後，又覺得好似襯光面COATING靚D添，改唔改好呢？！
