第五輯PREWEDDING BY VIVI (BRIEFING)

今日上左去VIVI香港公司做BRIEFING。其實佢都係同我地講返到左機場之後點去VIVI，而且仲有地圖教埋我地點行。另外，佢提左我地有D乜野要帶去，有D乜野佢地供應埋。

不過佢就要我即時CONFIRM要唔要加錢帶埋化妝師出去影外景。帶埋化妝師出去要$1600，其實諗過唔加，叫劉恩 教我SET D簡單既髮型，不過肥豬公話一生人一次俾多少少錢唔緊要，於是我地就俾多左$1600外帶化妝師。好在法國巴黎果到唔駛加錢外帶化妝師，如果唔係兩邊都加 錢就勁貴！

另外，由於有BLOGGER話VIVI D衫好殘，話VIP區D衫新D，於是我就問佢張單寫住拍照區新衫任揀，係咪即係VIP 區D衫都揀得。佢職員講左個唔經大腦既大話，話VIP D衫係D客人訂造，所以唔借得出去！我心諗，如果係客人訂造，咁點解會放係你地到，佢地訂造既唔拎返自己屋企呀！既然佢咁講我都無再問落去，希望去到揀衫果時揀到岩心水啦！

VIVI都打左黎約我做BRIEFING，但法國巴黎一D聲氣都無，有D擔心添！