第八輯 PREWEDDING BY GARY LEUNG

CHERISH WEDDING係我無意中係ESDLIFE搵到既一問PRE-WEDDING。我諗佢應該係要搵人影相板，所以可以免費幫3PAIR人影。當時只要寄張俾佢地抽獎，岩既就免費幫你影，結果我又好好彩咁有得影。不過今日CHECK返原來只係俾返10張相我地咋.......

CHERISH WEDDING︰

攝影師： GARY STUDIO 

http://www.garystudio.com/people.htm

化妝師：DORA CHAN 

http://www.dorachan.com.hk

今日一早就去左DORA係銅鑼灣既STUDIO化妝，佢個人好好傾，化妝好有心機，仲會問埋我意見先幫我SET頭。本來佢話無衫借俾我影相架，但佢特登為左 D人影PRE-WEDDING，買左啲衫返黎借俾人，結果我就借左一套婚紗、一套淺紫色晚裝！一路化妝佢仲一路教我點化妝精神D，又話我個頭點整就可以好容易好好睇！化好妝，肥豬公同埋佢個助手阿WING就上到黎，阿WING就幫我換衫，佢就幫肥豬公化妝。

化好妝我地就搭的士去中環影相，第一站係翠華，因為攝影師GARY同埋佢個助手IVAN要食野。食野既中途同佢地傾計，發現原來GARY同我讀埋中一間中學架，真係好有緣呀，咁都遇到個師兄弟。食完野我地就出發去第一站 - 煤氣燈。GARY係我影FREE PRE-WEDDING入面俾我感覺最PRO既一個 (點解得10張相)，佢對於燈光控制，角度都好有研究，唔駛執相都見到D相好有FEEL、好靚。不過，阿WING呢個時候要返工就走左，DORA既另一個助手FEBY就黎到幫手。

跟 住我地就入左去隔離開STARBUS入面，因為入面好有懷舊FEEL。不過我地影到好似偷野咁，因為唔可以嘈，又唔可以用閃光燈，不過最尾我地都偷偷地用左！跟住下一站我地去左中環舊警署出面影，我地仲企左上去側面D位到，行過D遊客仲係咁影我地TIM，搞到我勁唔知點。然後我地去左雲咸街側面個1914 個牌到影、再去石板街影。

影完呢到，我同FEBY去左搵個陰暗位換衫，然後佢幫我換妝，跟住就出發去永利街。一路行過去既途中，經過左一 間鋪面幾歐式，於是GARY就建議我地影，再行過D有一幅牆前面有張木櫈，佢又居然諗到點影喎，佢要勁有FEEL，好正呀！行到永利街覺得無咩野影，就去左隔離果個街市到影。因為果個街市保育過之後，變左遊樂場，入面有木馬同埋跳飛機影，好搞笑。影完果到都天黑啦，於是我地急步去埋搵紅牆影，但最尾我地只係去到YMCA影咋，不過都好滿足啦！影埋呢到，我地就各自走，我同肥豬公就同FEBY返去STUDIO換衫，GARY同IVAN就行去搭巴士，好期待D相呀................唔知可唔可以拎多D相呢

除左去台灣影結婚相，我諗我最滿意都係呢次啦，誠意推介CHERISH WEDDING同埋DORA CHAN呢個化妝師呀！