第六輯PREWEDDING BY 法國巴黎 (收相)

等左好耐，今日都收埋法國巴黎D婚紗相啦！今次無上次VIVI咁貴，只係$644，因為少左一幅油畫，同埋佢得一個大皮箱。

相簿都無咁多，但我覺得自己揀既美編，真係超鍾意呀，開心死我啦！

 

我無影到油畫，只係望到佢入面個樣係我就算，因為要拆實在太辛苦啦！

第四輯PREWEDDING BY 希臘女神(收相)

我見希臘女神咁耐都未打俾俾我，我就自己打去問下有得拎相未。因為影左相都差唔多成年啦，依家都未有得拎！

結果原來有得拎好耐囉，都唔知點解會唔打黎！

上到去拎，好在CHECK下，同埋自己有DD記性，佢造錯左我本相簿，我係做光面，佢造左淋面，結果又要出去拎多一次！

唉，激死！
 

買床褥

今個月係世界睡眠日，所以好多床褥都有特價。之前去左銅鑼灣SOGO睇，又去左九龍灣睇，試過好多間，最後我地買左愛皇健既XL200。
 

點解唔買其他呢？
1.試過好幾個牌子，有好多都無獨立袋裝彈簧。因為我地兩個都反訓，如果唔買獨立袋裝，我地會成日整醒隔離果個。
2. 我地想要偏硬既床褥，但又唔要訓落去好頂。
3. 要護脊，條腰要有承托力


試左好幾間，雅蘭, 睡康寧都無乜特別，只係平。

蓆夢思係好多酒店都用，但太貴，啲床褥又太軟。

其實肥豬公都幾鍾意絲縺，但無獨立袋裝彈簧，但有雙面設計。

最後金美夢同愛皇健都係護脊品牌，不過一個係香港一個係美國。

金美夢較平，但個邊位無愛皇健咁挺；而愛皇健就貴D，但整實都好好，而且係網上面睇過其他用家都係好評。

其實我唔想買張咁貴既床褥架，但肥豬公話訓覺係最重要，所以一定要買張舒服架喎！


最後我地返左愛皇健買，同佢講話係實惠果D見到較平，於是佢由專門店既六折變左五五折俾我地。而且仲送左床墊、兩個枕頭俾我地。
肥豬公仲第一次好叻咁叫到佢減多$300俾我地！而且仲可以HOLD住佢呢個月既價，轉款轉SIZE！

不過真係好肉赤呀！ 

DIY葡萄園相簿

今日出左去拎我自製既相簿，我覺得自己整得好靚呀！仲靚過佢SHOW出黎果D，HEHE！

第五輯PREWEDDING BY VIVI(簽名綢)

VIVI自動自覺打黎話上門收返簽名綢，然後幫我同另一位新娘對調，都算佢地服務幾周到啦！

過幾日佢個速遞就打電話俾我，點知我聽唔到，結果要自己去火炭拎...............

不過總算拎返啦！

第五輯PREWEDDING BY VIVI(收相)

今日終於收到VIVI D相啦，運費都成$12XX，因為我地實在有好多箱呀，連速遞果個人都話未試過咁重。

呢兩個SIZE既箱，每樣有兩個，真係重到死呀！

但佢送錯左人地既簽名綢俾我呀！><

不過係無睇過美編之下，我都幾滿意佢整得幾好，我覺得都好靚呀！證明我地無揀錯VIVI！

第六輯PREWEDDING BY 法國巴黎 (美編完成)

經過左4次既更改，美編終於改好啦！小美話27/3就會寄出，好期待呀！

我的嫁衣 (第二次揀衫)

今日係第二次去四季水晶揀衫，諗住揀埋剩低既衫。
不過佢由地鋪搬左上樓，間鋪細左好多，所以試衫比較逼。

好唔好彩，肥豬公去到唔夠半個鐘，塊面白哂，跟住就嘔。
於是我就叫佢返屋企，所以佢又揀唔到衫。
得返我自己一個，唯有叫試衫姐姐幫我影相返去俾佢睇啦。

其實我上次揀好左一件紫色晚裝、一件桃紅色晚裝同一件婚紗。不過我見佢有D新衫返，又多左D係到可以試，所以我想試既都照試上身。

本來想揀件紅色衫架，但好似無一件無拖尾既靚，都唔知點揀衫敬酒.............
因後我揀左件無得試既湖水藍色衫，因為我真係幾鍾意，但佢實在太多人揀啦，試唔到...................

希望下一次再黎可以揀埋剩低既衫！