我的嫁衣 (第二次揀衫)

今日係第二次去四季水晶揀衫，諗住揀埋剩低既衫。
不過佢由地鋪搬左上樓，間鋪細左好多，所以試衫比較逼。

好唔好彩，肥豬公去到唔夠半個鐘，塊面白哂，跟住就嘔。
於是我就叫佢返屋企，所以佢又揀唔到衫。
得返我自己一個，唯有叫試衫姐姐幫我影相返去俾佢睇啦。

其實我上次揀好左一件紫色晚裝、一件桃紅色晚裝同一件婚紗。不過我見佢有D新衫返，又多左D係到可以試，所以我想試既都照試上身。

本來想揀件紅色衫架，但好似無一件無拖尾既靚，都唔知點揀衫敬酒.............
因後我揀左件無得試既湖水藍色衫，因為我真係幾鍾意，但佢實在太多人揀啦，試唔到...................

希望下一次再黎可以揀埋剩低既衫！