尋找裝修資料

由於我個地產經紀(中學同學媽咪)幫我問左個業主可以俾間屋我早啲裝修，所以我呢排好乖咁上網睇裝修資料。

由於我咩都唔識，連搵邊個裝修都未知，所以我主要上 D FORUM 同BLOG睇下有無人有好既裝修師傅介紹、邊到有D平靚正既建材買、同埋咩牌子既傢俬電器好。

係搵料途中，好多人都話返大陸買磚、厠所、燈、造傢俬都好平，於是我呢D奶仔又學人SEARCH下，搵下料睇下會唔會為左慳D錢都返去走一轉。

有個FORUM真係好值得大家一睇，因為果到有好多實用既資料，係講返大陸買建材-->ESD LIFE
http://comtools.esdlife.com/wedding_forum/viewtopic.php?t=160744

上面D姊妹好好，教哂你係深圳點搭車，又有地圖畫好哂D路同商場分佈，仲幫你分析埋邊D商場值得去，邊間鋪頭信得過。有左佢地既資料，我相信無論你識唔識路都好，一日應該都可以搵到你想買既野，等我遲D都同肥豬公返去睇下先！

另外，要買平靚正電器，一定要睇選擇月刊，入面D資料真係好實用，有佢做參考，揀電器就知要留意邊D地方，邊D買得過！
而睇左幾十期後，我發現PANASONIC係電器王黎架，十樣有九樣都係正野！當大家唔知買咩牌子好既時候就可以去睇下佢既產品。

真係要努力D搵料，慳得就慳！