終於去左擇日子啦！

2月果時同男朋友去左婚紗展，講好左話2012年會結婚，本來話4月同屋企講，但結果拖拖下等左半年。不過男朋友終於都鼓起勇氣同屋企講我地要結婚啦，所以我地終於可以係聖誕假去擇日子！好開心呀！

今日去左搵黃大仙既"蘇東明"師傅擇日子(居然係聖誕節去擇日)！

本來一路都唔知去邊到搵師傅擇日子，不過好在我有睇開ESD Life咋，果到真係好多資料，問過唔同人之下，見好多姊妹都係搵蘇師傅，結果今日就同男朋友去搵佢擇日子，不過擇日子都幾貴，佢收左我地$680，不過佢會同我地訂埋出門果d吉時！

佢話過兩日會打俾我地話我地知全年擇到d乜野吉日，等我仲以為即刻可以知添！不過好開心，佢一路寫低資料果時同我地講，話我地好夾！開心死我！