淘寶晚裝

之前參加左朋友間公司既最具夫妻相選舉，贏左可以有得影free pre-wedding，不過最後輸左，得第二，無得影！但好好彩，有人留左言俾我話可以同我影，仲預備埋化妝師，但就要自己預備男禮服同晚裝，佢會借婚紗俾我。

既然唔駛錢，我本身又唔諗住係香港影，我呢d師奶仔梗係影啦！為左慳返d錢，我就決定上網買禮服！之前都試過係淘寶買野，所以我今次都上淘寶搵下，睇下有無岩心水，睇左幾日格價，最後就訂左兩套男禮服同兩件晚裝！

晚裝1︰

其實我好鍾意架，仲有得訂造，但收到返黎超灰！件衫造到勁大出入！

上身變左白色，條裙由紫藍色變左紫紅色！結果我梗係要佢退貨，但要我寄返去，由於無時間寄返去，結果要佢退返部分錢俾我！

晚裝2︰

件衫同收到既一樣，不過掛頸條帶太長啦，要媽咪幫我改，另外佢無胸墊，個形有D怪！

我諗第二件都可以結婚當日著返，但第一件就難D啦！