試妝 by may chong

今日終於去左may chong到試妝，間鋪都幾難搵！

佢化妝真係好快手，又唔似d人話佢亂，我覺得佢都算幾整齊！而且佢有助手幫佢手set頭，所以好快，我試妝只係用左個 半鐘，但佢化得一d都唔馬虎，相反仲好仔細！我覺得個妝化得幾好，清清地，唔老，大眼，我鍾意呢個look！不過朋友仔都話我個鼻化得太光，我本身個鼻夠直唔駛化得咁勁！

我特別鍾意佢既褂頭，試左我最想整果兩個！不過個個都話第一個頭好睇d，但我又想要有小小圈圈，點好呢！

而晚妝雖然好似誇張d，不過都ok！因為我唔記得帶相，所以就咁叫佢set d多層次既頭！不過我覺得兩個頭都麻麻！但我又唔知邊d頭襯自己多d！

 

  

 

crown wedding皇冠婚禮

今日約左去may chong到試妝，不過未夠鐘，就同carmen同劉恩去左行婚紗街。

其實有一間婚紗鋪一路都好想入去睇衫，但得我同肥豬公怕俾人勁sale所以無入到去。見今日拍住佢兩個，我同carmen又要睇衫，就入左去睇！

我好想入果間就係crown wedding，因為我行過襯都覺得佢show出黎d衫都好特別好靚，有一期仲要係show我最鍾意既紫色禮服，所以我好想入去睇！

就係呢兩件啦，好靚呀！

入到去有個sales開左好多相俾我地睇，其實我睇d相，佢好多衫都好靚呀！我有好多都好鍾意，不過唔知佢係唔係見我地全部都係女仔，所以無sell我地，就咁俾左price list我地！

我睇中既應該係crown系列

婚紗一套(連飾品、頭紗、手套、底裙)+晚裝3套(連原裝配件、頭飾或頸飾) $8000

婚紗一套(連飾品、頭紗、手套、底裙)+晚裝2套(連原裝配件、頭飾或頸飾) $7200

婚紗一套(連飾品、頭紗、手套、底裙)+晚裝1套(連原裝配件、頭飾或頸飾) $6000

可以選任何款式，包拖尾，全場任揀

加租男士平口禮服     $1000

加租平腳婚紗或晚裝 $1800

單租婚紗(連飾品、頭紗、手套、底裙) $4000

單租晚裝(連原裝配件、頭飾或頸飾)      $2800

其實都幾貴，但又真係幾靚喎，暑假真係要搵d時間逐間去試衫先得！

呢間暫時入左我個list到！

第四輯PREWEDDING BY 希臘女神

今日一早去左希臘女神影相，約左11:00。去到有個sale招待我，但完來佢係幫我化妝，但我覺得化得一般！我化完妝後等左兩個鐘先有得影，餓到我死！

不過個攝影師同個助手好好笑，攝影師叫阿俊，助手叫俊仔，全程都係咁引我地笑！影得好唔好我就唔知，但起碼我影個過程好開心！

佢果到寫明唔俾影相，不過我自己偷偷地影左幾張！

第四輯PREWEDDING BY 希臘女神 (揀衫)

今日同肥豬公去試衫，26/4就影相！

約左3:00去希臘女神試衫，去到都幾多人，無乜人得閒理我地！去到就叫我地上去2/F睇相簿！

睇相真係唔係好多衫鍾意，好多都好淘寶FEEL！婚紗只係試左4套，仲要有一套係佢幫我揀既；晚裝就試左6套，有一套都係佢幫我揀既！

不過佢D SERVICE好好，教我點揀相影室內景靚D，結婚當日應該穿D乜會好D，又話邊D色會著得人老D，仲教我點著NU BRA會好睇D！

原本想揀呢件，

但最後揀左佢幫我拎果件婚紗！

因為諗諗下佢果件又真係幾閃幾多層次，影相應該會好睇D！

 (同呢件差唔多)

晚裝就揀左淺藍色紗裙！

第三輯PREWEDDING BY KENNETH CHIU PROFESSIONAL PHOTOGRAPHY

今日同肥豬公影第三輯PREWEDDING，今次係ESDLIFE到搵既，真係好彩，我地係佢最後一對FREE COUPLE！

朝早9:00約左朋友化妝師 LAU YAN 去我屋企化妝，雖然佢只係學左年幾，但我覺得佢好過上兩次幫我化妝既化妝師，化得我眼大同後生D，個個都話我好靚，超開心！如果大家有興趣搵佢化妝既，可以去FACEBOOK SEARCH 佢 lauyanl@yahoo.com.hk！

大約10:30，我們司機好友 PO LAM就到啦！超級THX佢幫我借埋7人車同買定野飲野食，佢仲全程幫LAU YAN做助手添！

約左12:00攝影師同埋2個助手係大圍火車站就出發去第一站既將軍澳廢堡！

第一站將軍澳廢堡

要去到寧實醫院附近仲要行大約15MINS上山！

第二站石澳

第三站中環

感想︰

攝影師阿KEN真係好正，俾我既感覺好PRO、好搞笑、好健談！不過佢好鍾意影D COOL既FEEL，唔係太岩我，但真係好正！全日影左12個鐘都無話D乜，仲同我講可以去佢FACEBOOK 睇住幾張相先！

化妝師LAU YAN，一個字，正！由於係朋友既關係，全日幫我換左5個LOOK，仲要不斷幫我影相，依家POST D相係佢幫我影架，REALLY THX！

司機PO LAM，超級多謝你咁幫我手呀！中途又幫我拎D野返屋企，又買野食買野飲！多謝你當我阿妹咁對我！

婚戒完成品

戒指面有三粒鑽石

戒指上面是我們的結婚日期及3粒紫水晶

下面是我地個名同埋紅寶石

入面刻左love for eternity

超中意呀！

海上婚禮體驗之旅

今日特登帶埋阿爸阿媽去，諗住等佢地上下大船體驗下，但由於兩老都勁慢，怕上唔到船所以搭的士去！

結果浪費左我$35的士錢，原來架船係唔會開架！咁做乜要限人地上船時間！

上到去，無野好睇，得個曬字，於是影下相就走啦！shit！