第九輯PREWEDDING BY JOSEPH PHOTO

上次係FACEBOOK贏左Joseph Photo 「至CHOK情侶賞!賞!賞!」比賽，改左2次，今日終於去左影啦！佢個獎品係

婚紗攝影套餐: 

• 3小時室內studio拍攝
• 婚紗 & 晚裝各一套(拍攝用)
• 男士禮服一套連背心 / 腰封/呔 (拍攝用)
• 專業新娘化妝及造型設計(拍攝用)
• 多款名貴首飾配襯(拍攝用)
• 拍攝約50張相片
• 贈與所有原檔連CD
• 8" x 12" 無縫相簿一本入相20張

佢新果間STUDIO係北角，我地約左11:00上去試衫，然後影相。果到既婚紗同晚裝都唔係好多，我只係試左3件婚紗同1件晚裝，而且仲要係FIT身唔駛改，勁呀！

我試完衫就有化妝師VANNY(唔知係唔係，聽左好多次都唔清楚)幫我化妝，然後攝影師阿健就入黎同我地傾下計，問下我地想點影。

大約一點我地就開始影，阿健好PRO，雖然知我地係FREE，但都好有心機同我地影，又提我地點影靚啲，中途又俾我地望下啲相。唔怪得JOSSEPH咁出名，阿健真係影得好靚，我同肥豬公都好鍾恴！

VANNY化妝都好有心機，SET頭都度來度去想幫我SET靚啲，佢仲話想搵我幫佢做MODEL 化妝添，搞到我好開心！

期待住呢一輯相呀！

 

我的嫁衣 (第三次揀衫)

今日約左2:00上去四季水晶到試埋肥豬公啲衫同埋揀褂。

四季水晶既褂都幾多，有潮褂、小五福、中五福、金銀線等等，每種都有幾款，唔似 上次去法國巴黎咁，總共加埋先得五款咁少，而且佢每件都KEEP得好新淨，無咩甩線既情況。ZOE問我想要傳統褂定潮褂，其實好早之前，我都有諗過著潮褂，所以先會去COCOON到試，覺得佢D款特別D COLOURFUL D，但佢實在係太貴啦，$2000一套。而且我又係到諗，我係中國人要著褂出嫁，應該要著返傳統D，所以最後我就揀左傳統褂。不過傳統褂既種類好多，我對佢又唔認識，所以我只係同ZOE講我想要多D金銀線既款，叫佢拎D款俾我試。我只係試左2件金銀線、1件小五福同埋1件中五福上身。

因為佢地既手工都比較多，同埋我比較鍾意佢D圖案。本來肥豬公想叫我揀小五福，因為佢中間有個中國結，佢覺得個款特別D。但我地又覺得中五福多金銀線，影相出黎應該會靚D。由於要諗下揀邊件，ZOE就幫我地CHECK下邊件衫有期，不過一CHECK就發現小五福已經俾人HOLD左，所以唔駛諗，我地就揀左影相最靚既中五福。(最尾果件)

跟住我問ZOE我上次試唔到果件晚裝有無得試，佢話有，另外上次想揀但肥豬公見唔到果件婚紗都有得試。果然無揀錯，件湖水綠晚裝著左上身好靚，真係無HOLD錯。不過婚紗就都係要返原來果件，因為都係好似大家咁講，果件著出黎SHARP D！

跟住就到肥豬公試衫啦！四季水晶真係好多款呀，佢就咁著都要成半個鐘。肥豬公試左黑、深藍、灰、紫、紅同埋白。

其實好多款都好靚，不過我地只係租左2套衫，所以我地諗住租一深一淺。由於我地影PREWEDDING果時買左一白一黑既禮服，而黑色果套都好新又見得 人，所以最後決定唔租黑色。而有一套一定租白色，所以剩低果套就好難揀啦。我地兩個都鍾意紫色，佢第一套紫色又好靚喎，但紅色又好特別，灰色又好似幾好， 搞到我地都唔知點。

最後，我地問佢可唔可以將伴娘果條裙轉左佢，結果佢要我地加$500。由於我想姊妹裙整齊啲，而肥豬公又想要多套衫，所以最後我地都加左$500轉衫。

結果我地租左最尾果件白色(之前俾人HOLD左，依家又有返)、第一件紫色同埋紅色。銀灰色肥豬公覺得無咁特別所以無要到，結果我地又OVER BUDGET..........

荀崗買結婚物資

今日一早就同同事出發返深圳，目的係行街同幫我揀結婚野。

我地第一站就去左東門果邊食少少野打左底先，然後就搭的士去荀崗倉庫。

去到好容易就會搵到要去既地方，因為你會見到有一幢樓賣好多文具同結婚用品既鋪頭，果到就係要我地要搵既地方。

行到入去，我地就去搵姊妹們講既鵬鵬同立興，仲有順路望下其他賣結婚野既鋪頭。不過行過哂之後最後都係立興買，因為果到既選擇最多，賣既野最齊，唔駛周圍搵。

 

 我至愛既紫色利是封，$6/50個，好平呀！

紫色羽毛筆，唔係好多地方有！
花車絲帶花一定要買，$3一個，平香港好多！
銀色絲帶香港賣$12，呢到賣$4

 買完有D後悔，因為都係好似DIY靚啲！

 鞋真係一定要買，$35，香港賣$105

絲花我係二樓買，不過價錢又好似同花園街伯伯差唔多，建議可以係香港買！

感謝同事們陪我去荀崗買結婚野，又陪我揀又幫我拎，真係愛死佢地！

我地有自己既安樂窩啦！

超開心呀，AUNT尋晚話業主尋晚開價$283萬，今朝再話我知佢肯$280萬，好開心呀！

不過，原來係AUNT好好咁唔收對方佣金，所以先平到，真係超多謝佢呀...................

中午我地去簽約啦，終於做業主啦。雖然間屋又舊又殘，但我一定會將佢整得好靚，做我最好既安樂窩！

第五、六次睇樓

今日早人約左成村人，阿媽、阿爸、表姐、大佬、一齊上去睇下金禧間屋OK唔OK。

大家既意見都好一致，雖然細D，但幾實用。

由於我地走既時候都有人上黎睇，AUNT叫我地快D決定，所以即刻打俾未來老爺，問佢可唔可以過黎睇樓，因為佢好快就唔係香港。

夜晚大約7:00，我地又上去睇多一次，完全感覺到UNCLE幾鍾意，因為同佢屋企間格好似，只係細左。

佢鍾意呢到夠近火車站，又係新鴻基樓，間格都幾好。

由於肥豬公去左旅行，所以我唯有用WHATAPPS同佢聯絡。佢打左俾UNCLE，傾過間屋。
結果同我諗既一樣，全部人都覺得OK，所以我地終於都決定要呢到。

夜D，我再聯絡AUNT話我地要間屋，佢話會再幫我地傾下個價，希望可以平D，去到$280萬。

好緊張呀！！！

買梳化

其實睇完樓我地都覺得應該係買果到，所以我地決定去買梳化。

上次去銅鑼灣睇床褥時，順便睇埋梳化，見到KUKA特價，仲要係我地鍾意既電動梳化，可以較高低訓覺，好正呀！

上次個SALES話加$1000就可以轉色，見周圍呢D梳化都差唔多價，所以我地就決定訂啦！
點知佢話佢呢間鋪要用原價買先可以轉色，但經過我地講左我地係銅鑼灣既情況後，佢就俾我地用返銅鑼灣個價買梳化。

不過之後諗諗下覺得蠢左，應該唔好同佢講加$1000。

不過點都好啦，買左最貴果兩樣野啦！

圖入面果張就係我地訂既3坐位梳化，我地訂左我地兩個至愛既紫色！
 

第四次睇樓

今日又約左AUNT睇樓，今次係去睇愉景................但同上次一樣，好失望，因為又舊又貴，租要$13000, 買要$390萬。

走果時AUNT話依家周圍都無盤睇，咁岩有個金禧花園既盤問我地睇唔睇。既然無野睇，我地就睇下啦。

果到其實好舊，上手住左十幾年，但果到個間格幾好，又近大圍火車站，所以好吸引，開價$288萬。

其實我同肥豬公都幾鍾意，雖然矮左少少，對住馬路，但又唔算好嘈。走既時侯仲要見到隔離屋係新婚搬黎，都好友善咁，呢到值得考慮。