荀崗買結婚物資

今日一早就同同事出發返深圳，目的係行街同幫我揀結婚野。

我地第一站就去左東門果邊食少少野打左底先，然後就搭的士去荀崗倉庫。

去到好容易就會搵到要去既地方，因為你會見到有一幢樓賣好多文具同結婚用品既鋪頭，果到就係要我地要搵既地方。

行到入去，我地就去搵姊妹們講既鵬鵬同立興，仲有順路望下其他賣結婚野既鋪頭。不過行過哂之後最後都係立興買，因為果到既選擇最多，賣既野最齊，唔駛周圍搵。

 

 我至愛既紫色利是封，$6/50個，好平呀！

紫色羽毛筆，唔係好多地方有！
花車絲帶花一定要買，$3一個，平香港好多！
銀色絲帶香港賣$12，呢到賣$4

 買完有D後悔，因為都係好似DIY靚啲！

 鞋真係一定要買，$35，香港賣$105

絲花我係二樓買，不過價錢又好似同花園街伯伯差唔多，建議可以係香港買！

感謝同事們陪我去荀崗買結婚野，又陪我揀又幫我拎，真係愛死佢地！