台灣之旅第四天 - 九份金瓜石信義區西門町一日遊

今日係休息日，唔駛影相，所以我同肥豬公去左玩！第一站我地去九份，點知我地計錯左搭台鐵既時間，結果去到台北車站先知要個半鐘後先有車去瑞芳，所以我地係台北車站附近行左陣先返去搭火車。

去到瑞芳，點知落雨，問左服務處既姐姐點搭車，我地就轉車去九份，點知上到去超級大雨！好在行左陣老街就開始細雨，然後我地食左d小食就去金瓜石。去到金瓜石睇左d日本建築物，其實想去睇黃金瀑布同埋遺址，但由於唔夠時間，所以無去到！九份同金瓜石都係一個體驗當地文化既地方，如果無興趣就唔好去。

 返到台北車站我地就去左信義一帶行下，不過都係得商場行，商場d野計返港幣仲貴過香港，所以食完野就行左去101影夜景。之後諗住去西門町行下同食野，點知我地太夜先去，得返幾間夜市。食完冰，射左鋪籃球機就返去訓lu。