感謝主呀，今日天氣報告雖然話全台灣都落雨，但居然今日我去既地方都無落雨呀！好開心！
今日一早八點就去VIVI化妝。行到上樓，有個講廣東話既肥女人問我係唔係搵青靖老師，我就答佢係，之後佢就開始幫我整頭，然後SELL我買安瓶，又話我D安瓶唔好用，話好油，我估都係咁架啦！唯有同佢買左四支，自己果D用左3支係個身到啦，咁就用左NT2000。跟住佢開始幫我化妝，我果下先意識到佢係青靖，因為佢同我睇相有D唔同，可能佢生完BB肥左！
青靖一路同我化妝，一路問我行程，又問我想化乜野LOOK，又同我傾點解揀呢D衫。佢話其實揀衫唔駛諗件衫襯唔襯自己膚色，因為個身會搽粉，同埋佢係”造波高手”，所以揀DEEP V衫都可以，唔駛擔心會平平無奇。哈哈，好搞笑！然後佢入去同我著NU BRA搽粉係個身到，同埋試哂所有衫。佢果然係”造波高手”，我呢D平平無奇都可以整到好似有D料到！
化好妝SET好頭我地就出發啦，今日陪住我地既有俊男、佢既助手小鬼、司機俊男哥哥同埋青靖。我地今日會去既地方就係紅色吊橋、坪林、菁桐火車站、嶺腳瀑布、翡翠灣(入場費NT1200)、野柳、美麗華。其實真係每去一個地方都好趕，因為車程耐，地方又多，多謝佢地成team人咁有效率，如果唔係一定去唔哂咁多地方。不過坐唔慣車真係唔好揀去呢條線，因為佢好多山路，係咁轉彎，我嘔到七彩。不過多謝佢地成team人既照顧，我先可以頂住影哂全程。佢地真係好好，每去下一次都會問我有無事，為我加油！
我覺得自己無揀錯俊男同青靖幫我地影呢輯相。因為俊男真係影得快、靚、正，同埋佢好nice好搞笑，佢要一邊聽歌、一邊食煙先影到相。而佢既助手小鬼簡直無得頂啦，又搞笑，又教我地點擺post，成日大叫”笑呀”引我地笑，又幫我整好靚既裙擺，愛死佢！最後梗係要多謝青靖啦，我5個look都好靚呀，超鍾意！
夜晚，返去酒店落完妝涼完沖之後，我地仲唔怕累去左行士林夜市，實行勁食呀！
沒有留言:
張貼留言