台灣之旅第十四天 - 高雄巨蛋、夢時代購物中心一日遊

今日係最後一日留係台灣啦，有D唔捨得！由於今日無乜特別活動，我地就訓到11:00先起身拾野CHECK OUT！放低行李，我地就去左巨蛋食野同行街！

係果到，終於都出血啦！行左咁多日終於都俾我見到MIZUNO，可以幫大佬買衫，有D仲有折呀！最終我買左一條短褲返工，肥豬公買左兩條褲一件衫(件衫本來買俾大佬架，佢話好舒服拎左！)，另外買左一件衫俾大佬。但我搵左幾日都買唔到安瓶俾劉恩呀！

之後行左去書局，又俾我見到哈利波特特別版，最終見佢平香港百幾蚊，我都買左返黎，結果我就抬住舊鐵行街啦，不過好開心！搞埋退稅(記住一定要有入台證同PASSPORT先得)，肥豬公買埋咖啡我地就出發去下一站夢時代購物中心。

我地搭捷運去到凱旋站再轉接駁車去。一去到夢時代購物中心我就收到SMS，港龍話班機要DELAY 45分鐘，即係由8:35改到9:20，咁即係有排等。一去到就見到OAKLEY，仲要俾我見到我最鍾意既紫色超，但耐何佢塊鏡太細啦，戴左都唔好睇，而 且仲要千幾蚊，所以最後都係放棄帶佢返屋企。其實行完巨蛋都已經好累，都無乜野想行，只係想睇下個摩天倫

所以先黎，不過上到去只係影到背面，影唔到前面。由於太累，我地頂唔順，好快就徹退。

返到酒店，本來佢話可以安排車送我地去機場，但最後又改口話只可以送我地去美麗島，不過都好過無啦！我地落左車再轉捷運去機場，先將行李寄倉，我地就周圍行下睇下有無野食，點知呢到係百無機場，乜都無，仲諗住買手信返黎，真係死！諗住去唯一一間鋪頭食野，點知佢未夠 8:00就話要收工。行去新東陽買手信，結果係無野好買，所以最後只係買左好少野返黎俾隊友食，仲要連屋企都無買！

好在機師加速咋，返到香港都係十一點，搭車返到屋企執埋野點幾兩點先訓，聽朝一早就要返工啦，慘爆！