今日1:45就去到vivi揀相，但結果我地7:15先走，因為實在太難揀啦！
俊男總共幫我地影左350張相，第一次睇完全部相之後，我地都知大鑊啦，因為實在影得太靚，好少相可以即刻delete。可以delete到既，通常都係唔知望左去邊、笑得唔好、動作怪怪地。
由於俊男今日放假，小鬼無野做返左公司，所以佢就一路陪我地揀相。我地第一輪留左206張相，因為未諗點揀好，只係
刪左d一定唔要。婷婷見我地揀左第一輪，就開左個價俾我地！加40張相就$10000，但要加$2000做無縫。加100張就$22000，送無縫，皮
盒。但我地兩個個budget無預咁多錢，諗住最多都係加$5000。於是唯有開始不斷咁減相，減到128張。小蓮見我地係咁刪左d相就叫我地唔好急，慢
慢睇，唔好因為價錢而刪相，因為我地輯相影得好靚。雖然我都覺，得我地真係無預駛咁多錢，所以又決定再刪相。而再刪相果時，小鬼就提我地記住相要做對頁，
同一個景唔好刪到得一張。最後，我地減到得返86張。
小蓮見我地減到得返86張，就俾左好多優惠我地，話我地果d相影得好好，唔要好浪費。雖然我知佢做生意一定咁講，不
過我又真係覺得影得好好。經過1個多鐘頭既還價後都係減唔到錢，小蓮亦都講左公司規定左某個數先可以俾到某d優惠，所以最後我地都決定要126張相，即加
左86張相，但幾多錢一張我就應承左小蓮唔講得。揀完呢126張相，已經6:00，但仲要揀相簿款式、相架、油畫架、美編種類、油畫相、掌上本入冊相、音
樂盒相、相架相、結婚證書相、簽名綢相.......
最後，我地無要到謝卡5盒、皇家喜帖12張、親友卡24張、60吋海報，換左4個相架同1幅24吋油畫。小蓮就送多左個音樂盒、結婚證書同2相12吋相簿俾我地。雖然好肉赤，但d相真係好靚！
沒有留言:
張貼留言