整GEL甲

為左去台灣影相靚d，所以我決定去整指甲。但又由於打波既關係，我整完好快就拆，所以我呢d師奶仔梗係唔想整咁貴。由於我咁大個都未整過指甲，連乜野係水晶甲、gel甲、法式果d咁既字眼都唔識，於是我唯有四出問人去邊到整好。咁岩我有個同事成日整指甲，佢就介紹我返大陸整，話又平又靚。但計計下，係香港整同返大陸整都差唔多價錢，而且唔知大陸d野乾唔乾淨，所以我呢d師奶仔就決定上網搵d試做既鋪做一次，慳返d錢。點知就出事啦！

我整果間鋪其實係yahoo拍賣場搵既，見佢話$198任整，又見咁多人去過，所以先揀果間。不過打去約時間果時果個賣家已經唔係好有禮貌，不過我見佢講野咁急，以為佢有野做緊，所以無理。到約左果日，佢早一個鐘打俾我同我confirm時間，本來約左1:30，話要改1:45，咁我見3個字就算啦！頂，點知1:45上到去好景，佢send個message黎話要大約2:00先到，結果2:15先出現，仲要黎到好無禮貌咁講左句”唔好意思”就算。我果一下真係好想唔整，我心諗，你係唔係做生意架？！但鬼叫自己貪平同趕住咩，星期一去台灣，星期五先去整，咁唯有算啦！

上到去佢整甲既地方，勁大陣煙味，用具又唔見得乾淨。佢咩都唔問就同我講俾隻手佢，然後叫我睇相揀圖。當我揀到圖果時，佢又話呢個好難整架啦，呢個好貴架喎，呢個你毎價錢唔包架喎！頂，咁你講咩乜都包，任整呀，果下真係火都黎呀！咁我問佢邊d包啦，叫佢俾相我睇！佢居然俾埋d簡單到爆既圖我睇，又無石，又無珠。咁我問返佢係唔係你網上面SHOW出黎果D圖都整，佢話係，最後我唯有屈服整返佢網上面果D圖。

整完都算係咁，唔算好靚，但可以接受。不過佢D態度真係好差，整完又唔幫我清返D指甲碎，我指甲背面同成隻前臂都係，就咁俾塊濕紙巾我自己抹，一整好就自己係到玩電腦當我死！我心諗，你整整得幾好我下次都唔會幫襯你呀！

姊妹們，真係要小心d呀，千其唔好幫襯，我心諗去花園街坐係到俾人睇住咁整都無咁嬲！

間鋪係旺角好景中心，個女仔叫LxxY，你見到有我張相果隻指甲整，就千其唔好揀啦！