為左去台灣影相靚d,所以我決定去整指甲。但又由於打波既關係,我整完好快就拆,所以我呢d師奶仔梗係唔想整咁貴。由於我咁大個都未整過指甲,連乜野係水晶甲、gel甲、法式果d咁既字眼都唔識,於是我唯有四出問人去邊到整好。咁岩我有個同事成日整指甲,佢就介紹我返大陸整,話又平又靚。但計計下,係香港整同返大陸整都差唔多價錢,而且唔知大陸d野乾唔乾淨,所以我呢d師奶仔就決定上網搵d試做既鋪做一次,慳返d錢。點知就出事啦!
上到去佢整甲既地方,勁大陣煙味,用具又唔見得乾淨。佢咩都唔問就同我講俾隻手佢,然後叫我睇相揀圖。當我揀到圖果時,佢又話呢個好難整架啦,呢個好貴架喎,呢個你毎價錢唔包架喎!頂,咁你講咩乜都包,任整呀,果下真係火都黎呀!咁我問佢邊d包啦,叫佢俾相我睇!佢居然俾埋d簡單到爆既圖我睇,又無石,又無珠。咁我問返佢係唔係你網上面SHOW出黎果D圖都整,佢話係,最後我唯有屈服整返佢網上面果D圖。
整完都算係咁,唔算好靚,但可以接受。不過佢D態度真係好差,整完又唔幫我清返D指甲碎,我指甲背面同成隻前臂都係,就咁俾塊濕紙巾我自己抹,一整好就自己係到玩電腦當我死!我心諗,你整整得幾好我下次都唔會幫襯你呀!
姊妹們,真係要小心d呀,千其唔好幫襯,我心諗去花園街坐係到俾人睇住咁整都無咁嬲!
間鋪係旺角好景中心,個女仔叫LxxY,你見到有我張相果隻指甲整,就千其唔好揀啦!
沒有留言:
張貼留言