台灣之旅第七天 - 第六輯PREWEDDING BY 法國巴黎 (揀相)

今日約左淑菁11:00去法巴揀相，因為佢跟住要趕去婚紗展。

佢開左相俾我地睇，總共影左380幾張相，睇完第一輪，覺得好多相都好靚，而且有6個造型，其中一件衫仲可以變兩件 添，所以個個造型都好想有多少少相。不過，經過上次VIVI既經驗，今次一覺得唔鍾意就DELETE，所以第一ROUND就得返130張！跟住淑菁見我地 得返咁少相就梗係即刻開價啦，不過德英姐(好似係副總)一早就係張單到寫左加相係$200一張，平時係$350一張(因為我地D相要黎幫佢地做相版)。

我地本身PACKAGE包36張相。

第一輪開價︰120張-36張=94張，加送20張(SOFTCOPY)，每張NT700

不過我地話BUDGET有限，肥豬公就話加$10000，其實我無諗過加咁多錢，因為已經超哂支，不過佢知我覺得D相好靚，所以先咁講。

第二輪開價既時候，肥豬公話見到佢想加價，不過我地話我地D相要黎做SAMPLE，而且佢又急住去婚紗展，所以都係 用返NT700一張，TOTAL88張，即係加52張，同樣佢加送20張(SOFTCOPY)。其實我地都覺得OK，不過試下問佢可唔可以加多兩張造封 面，佢諗多陣就話OK。由於淑菁趕時間，我地要求將親友卡改左做掌中本，同埋佢等我地揀左入相簿既相佢就交低左其他同事走左啦！不過佢走左之後，我地順返影相既次序睇左一次，改左少少入相簿既相同埋SOFTCOPY既相。由於佢可以返到香港睇左修相先決定邊D做掌中本、邊張做掌中本同埋相架，所以今次 2:45就走得。由於佢可以LOOK卡唔收CHARGE，又話NT1=HK3.6，所以我俾左卡，點知睇返張單，只係對3.55，不過算啦，只係多左少 少！

由於我地下一站去台中，法巴仲叫人幫我地截的士去台北轉運站。本來想搭阿囉哈去，但佢唔經我地要去既干城，所以最後都係搭高鐵去台中。去到台中高鐵 站，仲有免費公車去酒店附近。我地住既係福泰桔子商旅，佢俾左間大房我地呀，大過係百利好多，差唔多係百利間房既兩倍呀，仲要正對台中公園(今日讀錯左做合中公園，俾肥豬公勁笑)同個湖，正呀！

係酒店放低左行李就出去行街，因為搭車果時經過左幾間運動鋪，又應承左大佬幫佢買衫，所以行左去睇，不過太貴同唔靚所以無買到。跟住我地行左去一中商圈，果到仲多野行過台北既信義同忠孝區。行完仲搭巴士去左逢甲夜市食野行街，哈哈，食到勁飽，仲買左張超人姓名貼同一條裙。不過佢果到最唔好係夜晚 10:00就無車走，要搭的士返酒店！

聽日要一早起身呀，期待聽日去台中！